حسم أحمد سيد زيزو، لاعب الفريق الأول لكرة القدم بنادي الزمالك، الجدل حول توقيعه للغريم التقليدي الأهلي، برسالة نارية عبر حسابه على انستجرام.
وكتب زيزو قائلا :” الحمد لله. أنا راجل بحترم كل الناس.. لكن للأسف عدم ردي علي المعلومات المغلوطة والتزامي الصمت زاد عن حده .. كل ساعة خبر عن توقيع أو تجديد عقد زيزو. وكل واحد بيغازل الشريحة اللي عايزها من الجمهور. “.
وواصل :” بكل وضوح أنا لم أوقع لأي نادي سواء داخل أو خارج مصر . اللي حصل على توقيعي يتفضل يعلن .. إذا كان كلامه صحيح ؟ .. كمان اللي عنده دليل على توقيعي لأي نادي برضو يتفضل يطلعه على الملأ .. الناس لازم تعرف كويس.”.
وأضاف :” أنا بقدر جدا الكيان الكبير اللى أنا بلعب فيه.. ولا يمكن أنكر فضله عليا. لكن فيه حاجة أنا مكنتش حابب أتكلم فيها خالص.. لأنه للأسف الأمور في الإعلام كلها في إتجاه واحد.. ليه محدش اتكلم عن حقوقي المشروعة زي أي لاعب في الدنيا.. “.
واختتم :”ليه محدش اتكلم إن الناس سابتني بقالها شهور طويلة ومش عايزين يجددوا عقدي. ليه محدش اتكلم عن المستحقات المتأخرة اللي ليا بقالها كتير. ومش لاقي حد يجاوبني. ليه محدش اتكلم انه التجديد المرة دي جاي في مرحلة متقدمة من عمري بالنسبة للعيبة الكورة.. ولعيب الكورة مهما طول. عمره قصير في الملعب”.